जय जोहार…. (chhattisgarh) देस के आजादी के 75 बच्छर पूरा होय म महात्मा गांधी के ग्राम-स्वराज के संकल्पना ल अक्षुण्ण रखे बर छत्तीसगढ़ के नवा-रईपुर म घलो वर्धा के तर्ज म सेवा-ग्राम के स्थापना ल करे जाही। देस के आजादी के लड़ाई के मूल्य, सिद्धांत, आदर्स ल घलो सेवा ग्राम म रेखांकित करे जाही । सांसद राहुल गांधी ह 3 फरवरी के साइंस कॉलेज रईपुर म आयोजित कारीकरम म ए सेवा ग्राम के आधारशिला रखही ।
महात्मा गांधी के सपना के अनुरूप नवा रईपुर म बनइया सेवा ग्राम म ग्रामीण अर्थव्यवस्था ल सुदृढ़ करे ल अउ आत्मनिर्भर-ग्राम के कल्पना ल साकार करे बर सबो प्रकार के कारीगर मन के प्रसिक्षण के व्यवस्था करे जाही। (chhattisgarh ) ये परियोजना गांधी-दर्सन ल याद रखे अउ सीखे के प्रेरणा देही। संगेसंग स्वतंत्रता आंदोलन के याद अउ राष्ट्रीय इतिहास ल घलो एखर माध्यम ले जीवंत रखे जा सकही ।
(chhattisgarh ) नवा-रईपुर म बनइया सेवा ग्राम बर 75 एकड़ के जमीन चिन्हांकित करे गेहे। एला ग्रामीण परिवेश के रूप म विकसित करे जाही । सेवा ग्राम म छत्तीसगढ़ के परंपरागत ग्रामीण भवन शैली के झलक दिखही । निर्माण काम म स्थानीय स्तर म उपलब्ध सामग्री के उपयोग होही ।
No Comment! Be the first one.