मतदाता दिवस के अवसर म कलेक्टर ह दिलायिन शपथ

बलरामपुर : पुलिस ग्राउंड बलरामपुर म कलेक्टर अउ जिला निर्वाचन अधिकारी राजेंद्र कटारा ह मतदाता दिवस के अवसर म शपथ दिलायिन। ए अवसर म प्रभारी पुलिस अधीक्षक विश्व दीपक त्रिपाठी, जिला पंचायत सीईओ नयनतारा सिंह उपस्थित रहिन। कलेक्टर कटारा ह अधिकारी-कर्मचारी अउ नवीन मतदाता मन ल मतदाता दिवस के अवसर म लोकतंत्र म पूर्ण आस्था रखत स्वतंत्र, निष्पक्ष अउ शांतिपूर्ण निर्वाचन के गरिमा ल अक्षुण्ण रख निर्भीक होके धर्म, वर्ग, जाति समुदाय, भाषा अथवा अन्य कोनो प्रलोभन ले प्रभावित होए बिना जम्मों निर्वाचन म अपन मताधिकार के प्रयोग करे के शपथ दिलायिन।

ए अवसर म अपर कलेक्टर आर.एस.लाल, अनुविभागीय अधिकारी राजस्व बलरामपुर अमित श्रीवास्तव, सहित जिला स्तरीय अधिकारी, बड़ी संख्या म छात्र-छात्रा अउ नवीन मतदाता उपस्थिति रहिन।
बता दन कि भारत निर्वाचन आयोग के मंशानुरूप उक्त कार्यक्रम के आयोजन के माध्यम ले 18 वर्ष आयु पूर्ण करइया युवा मन मतदान के प्रति जागरूक करना हे। ए अवसर म अधिकारी-कर्मचारी अउ नवीन मतदाता मन ल शपथ दिलाई गिस। मतदाता दिवस म संयुक्त जिला कार्यालय सहित जम्मों शासकीय कार्यालय मन म अधिकारी-कर्मचारी मन ल मतदान के शपथ दिलाई गिस।