‘एक ल पइसा दूसर ल डिप्टी कलेक्टर, ये कहां के इंसाफ हे’

सीएम ल आड़े हाथ लिस जगदलपुर सांसद ह

जगदलपुर. प्रदेस म कांग्रेस के सरकार आए के बाद ले ट्रांसफर के सिलसिला जारी हे, ए तबादल मन के वजह ले विकास कार्य ठप्प होके रहीगे हे, ए कहना हे बस्तर सांसद दिनेश कश्यप के.

प्रेस वार्ता के दउरान रविवार के सांसद दिनेश कश्यप ह कहिन,  ‘स्वर्गीय महेंद्र कर्मा के पुत्र आशीष शर्मा ल डिप्टी कलेक्टर बनाए जाए के बात म कहिनन के, कांग्रेस के सरकार जतना शहीद होए हे उंखर  परिवार के सदस्य मन ल घलो डिप्टी कलेक्टर बनाए। अइसे कोनो नियम नइए, एक ल पइसा देय जाए अउ दूसर ल डिप्टी कलेक्टर बनाए जाए’

सांसद ह आघू कहिन, पहिली लोहा परिवहन बर ही रेल लाइन होए के बात कहे जात रहिस हे. लेकिन उंखर संसदीय कार्यकाल म बस्तर ल ए पांचवा ट्रेन मिले हे. जेखर वजह ले रेलवे स्टेशन मन के रौनक बढ़े हे। उहें उड़ान योजना के टेंडर घलो पास हो चुके हे.जेमा टर्बो एयरलाइंस ल जोड़े गेहे. एखर ले जगदलपुर, विशाखापट्टनम, रायपुर, हैदराबाद आदि यात्रा मन के आवाजाही हो पाही. उहीं कलेक्ट्रेट म एक कार्यालय खोले जात हे. जिहां पासपोर्ट घलो बनाए जाही. प्रेस वार्ता म पूर्व सिक्षा मंत्री केदार कश्यप, पूर्व विधायक संतोष बाफना, पूर्व विधायक चित्रकूट बैदूराम कश्यप, प्रदेस मंत्री किरण देव के अलावा अन्य जनप्रतिनिधि घलो मइवजूद रहिन हे.