उप महापौर के पद बर स्वास्थ्य मंत्री ह चलाइस नोट शीट, नगरीय प्रशासन मंत्री के यूरोप ले आय के बाद होही विचार

जय जोहार रायपुर..दीपक ५२कर.. उप मुख्यमंत्री अऊ उप राज्यपाल के जइसे का छत्तीसगढ़ म घलो उप महापौर के पद बनाय जाहि, ये खबर आवत हे कि स्वास्थ्य मंत्री ह नगर निगम मन म महापौर के संग उप महापौर के पद के इजाद करे बर विभागीय चिठ्ठी चलाय हे अऊ नगरीय प्रशासन विभाग ल भेजे हे.

चूँकि नगरीय प्रशासन मंत्री यूरोप दौरा म हे ते पाय के अभी विचार संभव नई हे , विदेश प्रवास ले आय के बाद स्वास्थ्य मंत्री के चिठ्ठी ऊपर विचार करे जा सकथे, सवास्थ्य मंत्री ह चिठ्ठी म लिखे हे कि निगम के क्षेत्र ह जादा होय के कारण महापौर ल उप महापौर ले मदद मिलही अऊ विकास कार्य म तेजी आही.