Raipur : फिजियोथेरेपी स्नातक पाठ्यक्रम म प्रवेश बर कर सकत हे 9 नवंबर तक ऑनलाइन आवेदन

जय जोहार। (Raipur) छत्तीसगढ़ राज्य के शासकीय अउ निजी फिजियोथेरेपी महाविद्यालय म स्नातक फिजियोथेरेपी पाठ्यक्रम म बछर 2022 म प्रवेश बर 9 नवम्बर तक ऑनलाईन आवेदन कर सकत हे । स्नातक फिजियोथेरपी पाठ्यक्रम म प्रवेश बर नीट म सम्मिलित सबो पात्र है अउ ए पाठ्यक्रम बर कोनो न्यूनतम अर्हताकारी अंक नई हे।

ऑन-लाईन आवेदन शुल्क अनारक्षित श्रेणी अउ अन्य वर्ग बर एक हज़ार रुपिया, अनुसूचित जनजाति अउ अनुसूचित जाति श्रेणी बर 500 रुपिया अउ अप्रवासी भारतीय बर दस हजार निर्धारित हे । अइसे आवेदक जेमन ह पूर्व में प्रवेश बछर 2022 म एमबीबीएस या बीडीएस म ऑनलाईन आवेदन करे हे, ल पुनः ऑनलाईन आवेदन शुल्क जमा करे के जरूरत नई हे। ऑन-लाईन आवेदन 04 नवम्बर संझा 5 बजे ले प्रारम्भ हो गेहे ,जेन 09 नवम्बर मंझनिया 3 बजे तक जारी रही ।