कोरोना: छत्तीसगढ़ म सिर्फ ए 19 प्रकार के सेवा मन रही चालू, पढ़ो पूरा खबर
जय जोहार रायपुर…. कोरोना वायरस के बढ़त महामारी ल देखत हुए एहतियात के तौर म राज्य सरकार ह पूरा छत्तीसगढ़ ल 31 मार्च तक बर लॉकडाउन कर दे गे हे। लेकिन ए बीच सोशल मीडिया म फैलत तरह-तरह ले अफवाह म आप मन ल ध्यान नई दे बर हे। लोग सोचत हे कि ए दौरान पूरा शहर बंद रही, त सामग्री ह नई मिलही। जेखर ले लोग मन ह सामग्री इकट्ठा करे म लगे हे। पर आप मन ल ए सब करे के जरूरत नई हे। दैनिक उपयोगी वस्तु के दुकान मन ह खुले रही, हम आप मन ल बतात हन कि ए समय कौन-कौन सा दुकान मन खुले रही।
सबो मंडी, दुकान अऊ ठेला (सब्जी, फल, अनाज) के दुकान मन ह खुले रही, मेडिकल दुकान, ट्रांसपोर्टनगर, गुड्स अऊ कैरियर सेवा, पेट्रोल पंप, गैस एजेंसी, बैंकिंग सेवा, एटीएम खुले रही, मीडिया संस्थान, सीवरेज ट्रीटमेंट व्यवस्था, फायर बिग्रेड, टेलीफोन अऊ इंटरनेट सुविधा, होटल अऊ रेस्टोरेंट, मोबाइल रिचार्ज अऊ सर्विसेज के दुकान, डेली नीडस अऊ किराना दुकान, राशन दुकान, मिल्क पार्लर, जय प्रदाय, बिजली आपूर्ति अऊ नगर निगम के सेवा मन ह चालू रही।
