durg district म बाढ़ गे सबो दुकान ल खोले के बेरा, कलेक्टर ह जारी करीन आदेस

जय जोहार…. (durg district) दुर्ग जिला म सबो दुकान ल खोले जे बेरा ल बढ़ा दे गे हे। ए जिला म अब सप्ताह के सबो दिन दुकान ल रात 8 बजे तक खोले जा सकही। रबिवार के पुरा लाकडाउन के आदेस ल हटा दे गे हे। ऐखर सेती अब रविवार के घलो आन दिन के तरह दुकान खुलही। ए संबंध म कलेक्टर ह आदेस जारी कर दे हे।

दुर्ग जिला (durg district) म अब सप्ताह के सबो दिन दुकान ल रात 8 बजे तक खोले जा सकही, कलेक्टर ह अपन आदेस म संसोधन करत हुये रात 8 बजे तक दुकान न खोले के अनुमति दे हे। ए दउरान सबो स्थायी दुकान, शापिंग मॉल, व्यावसायिक प्रतिष्ठान, सुपर मार्केट, बाजार, फल, सब्जी के दुकान, शराब दुकान, ब्यूटी पार्लर, स्पा, पार्क, जिम रात 8 बजे तक खोले जा सकत हे।

हरेक दिन रात 8 बजे ले बिहनिया 6 बजे तक पुरा व्यावसायिक गतिविधि बंद रही। (durg district) ए दउरान सिरिफ अस्पताल, क्लिनिक, मेडिकल दुकान , पेट्रोल पंप, पशु चिकित्सालय, थोक माल, कार्गो, फल, सब्जी के लोडिंग अउ अनलोडिंग के तय बेरा म अनुमति होही।