Train: 12 सितंबर ले सुरू होवइया हे 80 स्पेशल ट्रेन, पढो पूरा खबर

जय जोहार। देश म बाढ़ते कोरोना संक्रमण के बीच रेलवे ह 12 सितंबर ले 40 जोड़ी नवा स्पेशल ट्रेन (Train) के परिचालन सुरू करही। ए नवा 40 जोड़ी स्पेशल ट्रेन बर 10 सितंबर ले रिजर्वेशन सुरू करे जाही। ये ट्रेन अभी चलत 230 ट्रेन के अलावा होही। ए जानकारी ल रेलवे बोर्ड के अध्यक्ष विनोद कुमार यादव ह दे हे।

रेलवे बोर्ड के अध्यक्ष श्री यादव ह बताइस कि अभी सबो विशेष ट्रेन (Train) के परिचालन के निगरानी करे जाही। जिहां ट्रेन के मांग होही या लंबा प्रतीक्षा सूची होही, उहां क्लोन ट्रेन चलाय जाही।

बता दन कि ट्रेन म लंबा वेटिंग लिस्ट हे। दशहरा, दीपावली अऊ छठ बर ट्रेन (Train) के मांग हे। ए मांग ल पूरा करे बर रेलवे ह 80 स्पेशल ट्रेन ल चलाही। मुंबई, कोलकाता, दिल्ली अऊ पटना मार्ग म स्पेशल ट्रेन चलही।