जब तक ले सुरक्षाकर्मी मन के शरीर म प्राण हे ….तुमन तोड़हूं, हमन बनाबो

जगदलपुर। दक्षिण बस्तर के डीआईजी रतनलाल डांगी ह नक्सली मन ल फटकार लगाइस हे। सोसल साइट म डांगी ह लिखिस हे के #Operation#for#Development… माओवादी तुमन ह पुल-पुलिया ल तोड़ के क्षेत्र के आदिवासी बन्धु मन ल शेष दुनिया ले तब तक अलग नइ कर पावव जब तक ले सुरक्षाकर्मी मन के शरीर म प्राण हे। तुमन तोड़हूं, हमन बनाबो ।” डीआईजी के ये पोस्ट ल लोगन मन के जबर सराहना मिलत हे, संग ही लोगन मन के सहयोग घलो सुरक्षाबल अऊ पुलिस ल मिलत हे। आप मन ल बतादन कि पाछु दिन सुकमा के नक्सल प्रभावित क्षेत्र म नक्सली मन ह पुलिया ल उड़ा दे रहिन। पुलिस के जवान मन ह बहुत कम बेरा म ऐला फेर बना दिन। पुलिस एक अभियान के तहत ये इलाका म सड़क अऊ पुल पुलिया के निर्मान म सुरक्षा देत हे। येकर ले इलाका म नक्सली मन के हउसला पस्त होत दिखाई देत हे।