विपक्ष ह शराब के अवैध बिक्री ल लेके सरकार ल घेरिस, मंत्री ह कहिन- कार्यवाही हाेही
जय जोहार रायपुर…. प्रदेश म शराब के अवैध बिक्री के मामला गुरुवार के विधानसभा म गूंजिस। नेता प्रतिपक्ष धरमलाल कौशिक अऊ ननकीराम कंवर ह शराब के अवैध बिक्री ल लेके सरकार ल घेरिस। नेता प्रतिपक्ष धरमलाल कौशिक ह सरकार के संरक्षण म शराब के अवैध बिक्री के आरोप लगाइस।
ऊहचे ननकीराम कंवर ह आरोप लगाइस कि हरियाणा अऊ यूपी ले आइस अवैध शराब के सरकारी शराब दुकान मन म बिक्री करे जात हे। विधायक मन के आरोप म आबकारी मंत्री कवासी लखमा ह शिकायत म कार्यवाही के आश्वासन दिस।
