Raipur नगर निगम के सामान्य सभा म विपक्ष ह करिन जमकर हंगामा, पढो पूरा खबर

जय जोहार…. रायपुर (Raipur) नगर निगम के सामान्य सभा के बइठक म आज विपक्ष के पार्षद मन ह नालंदा परिसर के नामकरण म जोरदार हंगामा करिन। ए दौरान विपक्ष ह सवाल करिन कि जेन निगम के संपत्ति नई हे,

त कोन आधार ले नामकरण करे जावत हे। एखर विरोध म विपक्ष ह जमीन म बइठ के जमके नारेबाजी करे हे। भारी विरोध के बाद घलो प्रस्ताव ल बहुमत ले पारित कर दे गिस।

सवाल उठात हुये (Raipur) भाजपा पार्षद सूर्यकांत राठौर ह कहिन कि ह मन नामकरण के विरोध नई करत हन। ह मन घलो चाहत हन कि डॉक्टर महादेव प्रसाद पाण्डेय के नाम म नामकरण हो, लेकिन ह मन जानना चाहत हन कि जेन नगर निगम के अधिकार क्षेत्र म नई हे, ओखर नामकरण कईसे करे जा सकत हे।

एखर जवाब देवत हुये (Raipur) सत्तापक्ष ह कहिन कि कैबिनेट मंत्री के अनुमोदन के आधार म ये प्रस्ताव लाय गे हे। विपक्ष ह फेर सवाल उठात हुये कहिन कि जेन संपत्ति सरकार के हे, ओला निगम म कईसे बदले जा सकत हे।