विधानसभा अध्यक्ष के खिलाफ विपक्ष लाही अविश्वास प्रस्ताव, विधानसभा सचिवालय ल दिस सूचना

जय जोहार रायपुर…. छत्तीसगढ़ विधानसभा म विपक्ष ह विधानसभा अध्यक्ष के खिलाफ मोर्चा खोल दे हे। विपक्ष ह विधानसभा अध्यक्ष के खिलाफ अविश्वास प्रस्ताव लेके आही। विपक्ष के तरफ ले विधानसभा सचिवालय ल एखर सूचना दे गे हे। विपक्ष 26 मार्च के सत्र शुरू होत ही अविश्वास प्रस्ताव म चर्चा करही।

विपक्ष ह सचिवालय ल जेन आवेदन दे हे, ओमा लिखे हे कि छत्तीसगढ़ विधानसभा म निरंतर संसदीय नियम मन के उल्लंघन करे जात हे अऊ परंपरा मन ल घलो तोड़े जात हे। संगेसंग कई असंसदीय परंपरा घलो स्थापित करे जात हे अऊ विपक्ष ल दबाए जात हे। अत: अध्यक्ष छत्तीसगढ़ विधानसभा के विरुद्ध अविश्वास प्रस्ताव प्रस्तुत करे जाही।