वेदांत पावर प्लांट हादसा के जांच के आदेश जारी
बिलासपुर आयुक्त करहीं वेदांता पावर प्लांट हादसा के जांच
रायपुर. छत्तीसगढ़ सासन, सामान्य प्रशासन विभाग कोति ले सक्ती जिला के डभरा तहसील के खाले सिंघीतराई म बने वेदांता पावर लिमिटेड म होय हादसा के जांच के आदेश जारी करे गे हे।
ये बात बताय के उल्लेखनीय हे कि 14 अप्रैल 2026 ला प्लांट के बॉयलर यूनिट-1 म स्टीम पाइप ले जुड़े वाटर सप्लाई पाइप के ज्वाइंट म तकनीकी खराबी के सेती दुरघटना होय रहिस। ए दुरघटना म कतको श्रमिक मन के मउत हो गे हे अउ बहुत झन श्रमिकों मन गम्भीर रूप ले घायल हो गे हें।
घटना के गम्भीरता ला देखत हुए राज्य सासन ह आयुक्त, बिलासपुर संभाग ला जांच अधिकारी नियुक्त करे हे। जांच बर तय करे गे बिंदु मन म—घटना कब अउ कइसने होइस, घटना के कारन अउ परिस्थिति, अउ आघू अइसन घटना ला रोके के उपाय सामिल हें।
जारी आदेश के मुताबिक जांच अधिकारी ला निरदेस दे गे हे कि ओमन 30 दिन के भीतर जांच ला पूरा करके अपन रिपोर्ट राज्य सासन ला सउंपय।
ये बात घलो बताय के उल्लेखनीय हे कि मुख्यमंत्री विष्णु देव साय ह दुरघटना के निष्पक्ष अउ झटकुन जांच करे अउ दोसी मन ऊपर कड़ा कारवाही करे के निरदेस दीन हें।
