जय जोहार….. (Raipur) एक फरवरी ले स्विमिंग पूल अऊ वाटर पार्क ल चालू करे के आदेश जारी कर दे गे हे। कलेक्टर के आदेश के अनुसार 50 फीसद क्षमता ले स्विमिंग पूल अऊ वाटर पार्क ल संचालित करे जा सकही। एमा कोरोना के गाइडलाइन के पालन करे ल अनिवार्य होही। अब स्विमिंग पूल अऊ वाटर पार्क के आनंद उठाय वाला लोगन मन ल साबुन अऊ तौलिया ल खुद लेके जाना होही।
संचालक के तरफ ले कोनो साबुन अऊ तौलिया उपलब्ध नई कराय जाही। (Raipur) संगेसंग पूरा परिसर ल सीसीटीवी ले लैस करे जाही। स्विमिंग पूल अऊ वाटर पार्क म उपयोग लाय जवइया पानी ल समय-समय म फिल्टर करना अनिवार्य होही। उहचे लईका, जादा उम्र के बुजुर्ग, गर्भवती महिला अऊ दवा के सेवन करइया व्यक्ति मन ल स्विमिंग पूल अऊ वाटर पार्क म जाय के अनुमति नई होही।
एखर आलावा (Raipur) स्विमिंग पूल अऊ वाटर पार्क म गुटखा, पान अऊ धूम्रपान करना प्रतिबंधित होही। उहचे कंटेंटमेंट जोन म अवइया वाटर पार्क ल खोले के इजाजत नई दे गे हे। कंटेंनमेंट जोन म वाटर पार्क खुला पाय जाय म नियम के अनुसार कार्यवाही घलो करे जाही।
