सरगुजा म कांग्रेस के 3 दिनी संकल्प शिविर के आयोजन

अम्बिकापुर । सरगुजा म कांग्रेस ह 3 दिवसीय संकल्प शिविर के आयोजन करिस। ये दउरान कांग्रेसी मन सरकार उपर जमके निसाना साधिन, संग ही मउजूदा सरकार उपर कई गंभीर आरोप घलो लगाइस। बता दन कि प्रदेस कांग्रेस के कार्यकारी अध्यक्ष शिव डहरिया ह भाजपा ल भ्रस्ट पार्टी कहत चोर पार्टी तक कह दिस, उहें मंच म बइठे कांग्रेस के बरिस्ठ नेता सत्यनारायण शर्मा ह अपन कार्यकर्ता मन ल संबोधित करत हुए कहिस कि…. किसान मन ल नकली खाद अऊ बीज बांटे जात हे, फेर सरकार कउनो कार्रवाई नइ करत हे। ओहर एमा सरकार के साठगांठ के आरोप घलो लगाए हे।