chhattisgarh म अन्य पिछड़ा वर्ग सलाहकार परिसद के होही गठन, सीएम ह लीन बड़का फइसला

जय जोहार । (chhattisgarh) मुख्यमंत्री भूपेश बघेल ह छत्तीसगढ़ राज्य म अन्य पिछड़ा वर्ग के हित के संरक्षण बर सलाहकार परिसद के गठन के बड़का फइसला लीन हे। राज्य म अन्य पिछड़ा वर्ग सलाहकार परिसद के गठन ले ए वर्ग के मनखे मन बर कार्यक्रम के संचालन बर अनुसंसा अउ क्रियान्वयन म मदद मिलही । अन्य पिछड़ा वर्ग ले संबंधित समस्या के निराकरण बर ए वर्ग के मनखे मन के सक्रिय भागीदारी सुनिश्चित होही ।

(chhattisgarh) ए परिसद के गठन ले राज्य म अन्य पिछड़ा वर्ग के हित म संचालित योजना अउ कार्यक्रम के क्रियान्वयन बर बेहतर मॉनिटरिंग हो सकही । अन्य पिछड़ा वर्ग के बेहतरी बर नवा योजना अउ कार्यक्रम के निर्माण म घलो मदद मिलही । परिसद म ए वर्ग के चुने प्रतिनिधि सदस्य समाज के स्थिति अउ समस्या के निराकरण म सहभागी बनही ।

उल्लेखनीय हे कि छत्तीसगढ़ राज्य म अनुसूचित जनजाति ले संबंधित विसयक म अनुसंसा बैर छत्तीसगढ़ अनुसूचित जनजाति सलाहकार परिसद के गठन पूर्व म ही हो गेहे । इही तर्ज म छत्तीसगढ़ म अन्य पिछड़ा वर्ग सलाहकार परिषद के गठन करे जाय के प्रक्रिया मुख्यमंत्री भूपेश बघेल के मंसानुरूप सुरु कर दे गेहे । ए परिसद म वर्ग विसेस के समस्या, आवश्यकता म विचार करे जाही ।

छत्तीसगढ़ के मुख्यमंत्री एखर अध्यक्ष होही अउ भारसाधक मंत्री उपाध्यक्ष होही । परिसद म कुल 40 सदस्य होही, जेमा राज्य विधान सभा म अन्य पिछड़ा वर्ग के निर्वाचित कम-ले -कम 10 निर्वाचित सदस्य होही अउ अन्य सदस्य राज्य सासन डहार ले मनोनीत होही ।