chhattisgarh : हमर सरकार ह करीन मनखे मन के जेब म सीधा पैसा डाले के काम – भूपेश बघेल
जय जोहार। (chhattisgarh) मुख्यमंत्री भूपेश बघेल के भेंट-मुलाकात के कारवां ह रविवार के बैकुंठपुर विधानसभा क्षेत्र के ग्राम पटना पहुंचीन । मुख्यमंत्री के इहां मनखे मन ह ध्वज अउ सूत के माला के संग आत्मीय स्वागत करीन । आंगनबाड़ी केंद्र करजी के लईका अउ ग्रामीण मन ह गुलदस्ता भेंटकर ओखर स्वागत करीन ।
ए अवसर म (chhattisgarh) मुख्यमंत्री भूपेश बघेल ह किहीन कि प्रदेस के मनखे मन के आय कइसे बढ़े, एखर बर हमन सरलग काम करत हन। हमर सरकार ह मनखे मन के जेब म पैसा डाले के काम करत हे । वो हा बताइन कि किसान के संगेसंग भूमिहीन श्रमिक मन के आय ल बढ़ाय बर घलो योजना सुरू करे गेहे । महिला समूह ल घलो गौठान के माध्यम ले रोजगार मिलत हे । लघु वनोपज बर समर्थन मूल्य घोसित करे के संग ओखर प्रसंस्करण कर मूल्य संवर्धन करत हन, जेखर ले जादा आमदनी होत हे ।
(chhattisgarh) पटना म भेंट-मुलाकात के दउरान ग्राम सोरगा के रामलखन यादव ह मुख्यमंत्री ल बताइन कि हाट-बाजार क्लिनिक ले घर के तीर ही मुफत इलाज अउ दवाई मिलत हे । एखर ले अस्पताल तक आय -जाय अउ डॉक्टर के फीस अउ दवाई म होवइया खर्च बचत हे । वो हा ए योजना बर मुख्यमंत्री भूपेश बघेल ल धन्यवाद दीन । भूमिहीन श्रमिक शांति ह बताइन कि ओला राजीव गांधी ग्रामीण भूमिहीन कृषि मजदूर न्याय योजना के लाभ मिलत हे । ए योजना के तहत मिले रासि ले वो हा सिलाई मशीन खरीदे हे ।
