chhattisgarh : हमर सरकार ह आदिवासी मन के संस्कृति ल सहेजे अउ संरक्षित करे के करीन काम : भूपेश बघेल
जय जोहार। (chhattisgarh) हमर सरकार ह आदिवासी मन के संस्कृति ल सहेजे अउ संरक्षित करे के काम करे हे । छत्तीसगढ़ म सरकार बने के संग ही हमन ह आदिवासी मन के ससक्तिकरण बर काम करे हन । आदिवासी हित बर अइसे काम करे गेहे, जेन राज्य बने के बीस बछर म नई होइस । हमर सरकार ह पेसा कानून ल पूरा तरह क्रियान्वित करे बर नियम बनाये हे, ये ह खुसी के बात है कि 8 अगस्त के ऐखर प्रकासन छत्तीसढ़ राजपत्र म घलो हो गेहे । ये बात ल मुख्यमंत्री भूपेश बघेल ह आज अपन निवास कार्यालय म विश्व आदिवासी दिवस के अवसर म आयोजित कार्यक्रम ल सम्बोधित करत हुये किहीन।
ए अवसर म मुख्यमंत्री ह आदिम जाति अनुसंधान अउ प्रसिक्षण संस्थान डहार ले प्रकासित आदि विद्रोह अउ दूसर पुस्तिका के विमोचन करीन । (chhattisgarh) कार्यक्रम म मुख्यमंत्री ह अचानकमार टाईगर रिजर्व जिला मुंगेली के पांच ठीन गांव महमाई, बाबूटोला, बम्हनी, कटामी, मंजूरहा, सीतानदी टाइगर रिजर्व धमतरी के ग्राम लिखमा, बिनयाडीह, मैनपुर, उदंती टाइगर रिजर्व जिला गरियाबंद के ग्राम कुल्हाड़ीघाट, कठवा ल सामुदायिक वन संसाधन अधिकार मान्यता पत्र प्रदान करीन ।
(chhattisgarh) मुख्यमंत्री ह किहीन कि हमन ह समुदायिक अधिकार मान्यता पत्र अउ व्यक्तिगत मान्यता पत्र के वितरण करीन। वोहा किहीन कि वन अधिकार मान्यता पत्र के तहत आदिवासी अउ वन क्षेत्र के परंपरागत निवासी ल देंगे भूमि के विकास, उपयोग अउ ओखर अधिकार के संबंध म गांव-गांव म ग्राम सभा के माध्यम ले 15 अगस्त ले 26 जनवरी तक जागरूकता अभियान चलाये जाही । जेखर ले वन के संरक्षण अउ विकास म बेहतर योगदान दे के संग वनोपज के संग्रहण अउ वैल्यू एडिसन ले अपन आय म वृद्धि कर सकही।
