प्रवासी मजदूर मन ल मुफ्त खाद्यान्न दे बर प्रवासी खाद्य मित्र एप लान्च

जय जोहार…. मुख्यमंत्री के निर्देशन म देश के आन राज्य ले आवत अइसे श्रमिक अऊ व्यक्ति मन ल जेखर पास कोनो घलो योजना के अंतर्गत राशन कार्ड नई हे। ओ मन ल घलो मई अऊ जून म प्रति सदस्य पांच किलो खाद्यान्न अऊ एक किलो चना प्रति परिवार प्रतिमाह मुफ्त दे जाही। एखर पंजीयन बर खाद्य विभाग के तरफ ले प्रवासी खाद्य मित्र एप जारी करे गे हे।

प्रवासी श्रमिक अऊ आन व्यक्ति मन ल नि:शुल्क खाद्यान्न प्राप्त करे बर एंड्राइड मोबाइल ले गूगल प्ले स्टोर के माध्यम ले ए https:play.google.com/store/apps/detail?id=com.nic.cgcitizen ल डाउनलोड कर सरलता ले अपन अऊ परिवार के सदस्य मन के पंजीयन करा सकत हे।

पंजीयन बर आधार नंबर ह नई होय के स्थिति म राज्य शासन के तरफ ले आन पहचान पत्र ल घलो मान्यता दे गे हे। जेमा ले कोनो एक के उपयोग कर सकत हे। यदि हितग्राही के आधार पंजीयन हो चुके हे, लेकिन आधार नंबर ह प्राप्त नई होय हे, त वे आधार पंजीयन पर्ची के उपयोग कर सकत हे।