chhattisgarh म धान खरीदी के आंकड़ा 75 लाख मीटरिक टन ले होगे जादा

जय जोहार । छत्तीसगढ़ (chhattisgarh ) म चलत धान खरीदी के अंतर्गत 28 दिसंबर के ही 75 लाख मीटरिक टन आंकड़ा ह पार हो गेहे , जबकि खरीदी के प्रक्रिया ह 31 जनवरी 2023 तक चलही। ए बछर 110 लाख मीटरिक टन धान खरीदी के अनुमान हे। पंजीकृत किसान मन के संख्या बढ़के 24 लाख 95 हजार हो जाय के बावजूद राज्य सासन ह कम दिन म ये बड़का उपलब्धि हासिल करे हे ।

बछर 2017-18 म 12 लाख 06 हजार किसान मन ले कुल 56 लाख 88 हजार मीटरिक टन धान के ही खरीदी हो पाए रिहीन । मुख्यमंत्री भूपेश बघेल ह कम बेरा म ही सुव्यवस्थित अउ सुचारू ढंग ले 75 लाख मीटरिक टन ले जादा धान खरीदी होय म राज्य के किसान मन ल बधाई दीन हे।

ए बछर छत्तीसगढ़ म 02 लाख 27 हजार नवा किसान मन ह धान विक्रय बर पंजीकरण कराए हे । 28 दिसंबर तक खरीदे गे धान के एवज म किसान मन ल 15 हजार 582 करोड़ 51 लाख रुपिया मार्कफेड डहार ले अपेक्स बैंक ल जारी करे जा चुके रिहीन । बुधवार तक 59 लाख 82 हजार 017 मीटरिक टन धान के उठाव बर डीओ जारी करे जा चुके रिहीन ।