जय जोहार। मुख्यमंत्री भूपेश बघेल के मंसानुरूप कई जिला के गौठान म गोबर ले पेंट बनाए के यूनिट प्रारंभ करे जावत हे । संगेसंग गोबर ले बनइया पेंट ले सासकीय कार्यालय के पोताई करे जावत हे । जाजंगीर-चांपा जिला म बम्हनीडीह विकासखण्ड के ग्राम अफरीद के आदर्श गौठान म महात्मा गांधी ग्रामीण औद्योगिक पार्क योजना के तहत गोबर पेंट निर्माण यूनिट के स्थापना करे गेहे , जेन ए जिला के पहला प्राकृतिक पेंट निर्माण यूनिट हे ।
ए यूनिट म विश्वा स्व सहायता समूह डहार ले 120 लीटर प्राकृतिक पेंट के निर्माण घलो करे जा चुके हे, जेखर ले ग्राम अफरीद के ग्राम पंचायत भवन के पोताई घलो करे गेहे। एमा 40 लीटर पेंट के उपयोग करे गेहे। संगेसंग जिला के अन्य सासकीय भवन के घलो रंगाई पुताई ए प्राकृतिक पेंट ले करे जाए के निर्देस दे गेहे। ये गोबर पेंट इको फ्रेंडली होए के संगेसंग बैक्टीरिया अउ फंगस रोधी घलो हे ।
उल्लेखनीय हे कि प्रदेस सरकार के महत्वाकांक्षी योजना नरवा, गरवा, घुरवा अउ बाड़ी, गोधन न्याय योजना के तहत गोठन म गोबर ले वर्मी कंपोस्ट के संगेसंग अन्य उत्पाद के निर्माण ल महिला स्व सहायता समूह डहार ले करे जावत हे । एखर तहत जाजंगीर-चांपा जिला म गोमूत्र ले फसल कीटनाशक अउ जीवामृत घलो तईयार करे जावत हे ।
No Comment! Be the first one.