Raipur: पंचायत मंत्री टीएस सिंहदेव ह स्वच्छता जागरूकता रथ ल हरी झण्डी दिखाके करीन रवाना, गांव-गांव म जाके ग्रामीण मन ल देही स्वच्छता संदेस

जय जोहार…. (Raipur) पंचायत अउ ग्रामीण विकास मंत्री टीएस सिंहदेव ह आज अपन निवास कार्यालय ले स्वच्छ भारत मिसन (ग्रामीण) के तहत् स्वच्छता अउ शौचालय के उपयोग बर मनखे मन ल जागरूक करे ल 31 स्वच्छता जागरूकता रथ ल हरी झण्डी दिखाके रवाना करीन।

(Raipur) 28 रथ ह प्रदेस के सबो 28 जिला के सबो गांव अउ राज्य स्तर म 3 रथ ह सबो विकासखण्ड के एक-एक गांव म जाके स्वच्छता के संबंध म मनखे मन ल जागरूक करही। जागरूकता संदेस के ये अभियान ह 2 अक्टूबर तक चलही।

ए अवसर म स्वच्छ भारत मिशन ग्रामीण के मिशन संचालक सत्यनारायण राठौर, जिला पंचायत रईपुर (Raipur) के मुख्य कार्यपालन अधिकारी मयंक चतुर्वेदी, केंद्रीय जलशक्ति सलाहकार डॉ. विनय तिवारी अउ प्रवीण यादव उपस्थित रिहीन।