जय जोहार…. छ्त्तीसगढ़ (chhattisgarh) के त्रिस्तरीय पंचायती राज संस्था ह अपन कार्य के लोहा पूरा देश म मनवात हे। प्रदेश के ग्राम पंचायत, जनपद पंचायत अउ जिला पंचायत ल सरलघा तीसर बच्छर अलग-अलग श्रेणी के 11 राष्ट्रीय पुरस्कार हासिल होय हे। भारत सरकार के पंचायती राज मंत्रालय के तरफ ले हाल म घोसित राष्ट्रीय पंचायत पुरस्कार के विजेता के सूची म छत्तीसगढ़ के 8 ग्राम पंचायत, 2 जनपद पंचायत अउ 1 जिला पंचायत सामिल हे।
केंद्रीय पंचायती राज मंत्रालय के तरफ ले (chhattisgarh) कोंडागांव जिला पंचायत, गरियाबंद अउ तिल्दा जनपद पंचायत, सरगुजा जिला के अंबिकापुर विकासखंड के सरगवां अउ लुंड्रा विकासखंड के रिरी, बालोद जिले के गुंडरदेही विकासखंड के माहुद (अ), कबीरधाम जिला के सहसपुर लोहारा विकासखंड के महराटोला अउ रायपुर जिला के आरंग विकासखंड के बैहार ग्राम पंचायत के चयन दीनदयाल उपाध्याय पंचायत सशक्तिकरण पुरस्कार बर करे गे है।
(chhattisgarh) राष्ट्रीय पंचायत पुरस्कार-2021 के अंतर्गत बीजापुर जिले के भोपालपटनम विकासखंड के दूरस्थ वनांचल गोटईगुड़ा ग्राम पंचायत ल नानाजी देशमुख राष्ट्रीय गौरव ग्राम सभा पुरस्कार, रायपुर जिला के अभनपुर विकासखंड के नवागांव (ल) ल बाल मित्र ग्राम पंचायत पुरस्कार अउ आरंग विकासखंड के बैहार ल ग्राम पंचायत विकास योजना पुरस्कार दे जाही।
