mahasamund : भक्त माता कर्मा जयंती म सामिल होइन संसदीय सचिव, बिरकोनी म शेड निर्माण बार करीन पांच लाख के घोसना

जय जोहार। भक्त माता कर्मा जयंती के अवसर म (mahasamund) क्षेत्र म आने आने जगह म आयोजित कर्मा जयंती कारीकरम म संसदीय सचिव अउ विधायक विनोद सेवनलाल चंद्राकर ह सामिल होके क्षेत्र के खुसहाली के कामना करीन । ए दउरान वो हा भक्त माता कर्मा के बताये रास्ता म चले के आह्वान करीन । उहें ग्राम बिरकोनी म समाज के पदाधिकारी के मांग म शेड निर्माण बर पांच लाख रुपिया के घोसना करीन।

कौंदकेरा और बिरकोनी म सोमवार के माता कर्मा जयंती के आयोजन करे गीस। (mahasamund) ए कारीकरम के मुख्य अतिथि संसदीय सचिव अउ विधायक विनोद सेवनलाल चंद्राकर रिहीन । अध्यक्षता ल जनपद अध्यक्ष यतेंद साहू ह करीन । विसेस अतिथि के रूप म जनपद सदस्य आरिन भागीरथी चंद्राकर, सरपंच ताम्रध्वज निषाद, मानिक साहू, तोषण कन्नौजे मौजूद रिहीन ।

ए अवसर म मुख्य अतिथि श्री चंद्राकर ह किहीन कि भक्त माता कर्मा श्रद्धा अउ भक्ति ले परिपूर्ण हे । साहू समाज अपन समाज के संस्कृति, रीति-रिवाज ल बखूबी संजोके रखे हे। (mahasamund) वो हा किहीन कि छत्तीसगढ़ म साहू समाज डहार ले भक्त माता कर्मा जयंती ल उत्साह अउ श्रद्धा के संग मनाये जात हे । मनखे मन के आस्था के सम्मान करत राज्य सरकार ह भक्त माता कर्मा जयंती म सार्वजनिक अवकास घोसित करे हे । ए अवसर म सुंदर साहू, बलराम पटेल, डोमन साहू, तुलस साहू, तेजेश्वर साहू, पुनीत राम साहू, घांसी राम साहू, रेखन साहू, डॉ आर एल साहू, राजेश्वरी साहू, कौशिल्या साहू, जया साहू, दशोदा साहू मौजूद रिहीन ।