mahasamund : संसदीय सचिव ह तुमगांव म वितरित करीन छात्रा मन ल साइकिल
जय जोहार । (mahasamund) संसदीय सचिव अउ विधायक विनोद सेवनलाल चंद्राकर ह सरस्वती साइकिल योजना के तहत शासकीय उच्चतर माध्यमिक विद्यालय तुमगांव म नवमी के छात्रा मन ल साइकिल के वितरण करीन । ए दउरान वो हा शिक्षा के प्रति प्रोत्साहित करीन ।
ए अवसर म (mahasamund) संसदीय सचिव श्री चंद्राकर ह किहीन कि साइकिल मिले ले छात्रा मन ल स्कूल आय जाय म सुविधा मिलही । बेटी बचाओ-बेटी पढ़ाओ अभियान ल सार्थक करे म ये योजना अपन महती भूमिका ल निभात हे । वो हा किहीन कि मुख्यमंत्री भूपेश बघेल डहार ले बेहतर शिक्षा व्यवस्था बर हरसंभव परयास करे जात हे। अंग्रेजी माध्यम के शिक्षा आज बेरा के मांग हे । एला धियान म रखत सरकार ह प्रदेश भर म सरकारी अंग्रेजी माध्यम स्कूल खोले के निर्णय लेहे। जिहां गरीब अउ सामान्य परिवार के लईका घलो पढ़ाई कर सकही ।
ए अवसर म शाला विकास समिति के अध्यक्ष ओमप्रकाश यादव, विधायक प्रतिनिधि हर्ष शर्मा, सुनील शर्मा, प्राचार्य डीएस दीवान, पार्षद गजेंद्र साहू, ब्लॉक कांग्रेस कमेटी के अध्यक्ष ढेलू निषाद, गौतम सिन्हा, विजय बांधे, कपिल साहू, सलीम भाठी, मानिक साहू, थानू साहू, शिव यादव मौजूद रिहीन ।
