Bagbahra: संसदीय सचिव ह करीन आत्मानंद अंग्रेजी विद्यालय बागबाहरा म छात्रा मन ल मुफत साइकिल के वितरण

जय जोहार। (Bagbahra) संसदीय सचिव एवं विधायक द्वारिकाधीश यादव ह गुरुवार के आत्मानंद अंग्रेजी स्कूल बागबाहरा म छात्रा मन ल मुफत साइकिल के वितरण करीन। ए कारीकरम के अध्यक्षता ल पूर्व मंडी अध्यक्ष तेजन चंद्राकर ह करीन । उहें बिसेस अतिथि सहर कांग्रेस कमेटी अध्यक्ष भूपेंद्र सिंह ठाकुर, एल्डरमैन विष्णु महानंद रिहीन ।

(Bagbahra) संसदीय सचिव द्वारिकाधीश यादव के विद्यालय परिसर पहुंचत ही विद्यार्थी मन ह पुष्प वर्षा कर ओखर अउ दूसर अतिथि मन के स्वागत करीन । एखर बाद कारीकरम म संसदीय सचिव ह छात्रा मन ल मुफत के साइकिल वितरण करीन । उहें सासन के योजना के तहत मुफत साइकिल मिले म छात्रा मन ह संसदीय सचिव श्री यादव अउ राज्य के भूपेश बघेल सरकार के प्रति आभार व्यक्त करीन ।

ए दउरान (Bagbahra) संसदीय सचिव द्वारिकाधीश यादव ल छात्रा मन ह बताइन कि विद्यालय आय जाय बर हमन ल परेसानी के सामना करे ल पड़त रिहीन, कई घांव परिजन आन काम म व्यस्त रहत रिहीन, त हमन ल पैदल विद्यालय आय ल पड़त रिहीन, जेखर ले हमर मन के अध्ययन कार्य प्रभावित होत रिहीन। लेकिन अब साइकिल मिल जाय ले हमर मन के ये समस्या दूर हो गेहे।

ए अवसर म प्रमुख रूप ले राजू चंद्राकर, नवनीत सलूजा, सेतराम बघेल, करतार नायक के संगेसंग बड़का संख्या म स्कूल के छात्रा मन उपस्थित रिहीन ।