Bagbahra : संसदीय सचिव द्वारिकाधीश यादव ह करीन दिव्यांग मन ल बैटरी चलित ट्राईसाइकिल के वितरण
जय जोहार । (Bagbahra ) संसदीय सचिव अउ विधायक द्वारिकाधीश यादव ह बागबाहरा जनपद कार्यालय परिसर म बुधवार के दिव्यांग मन ल बैटरी चलित ट्राईसाइकिल के वितरण करीन। कारीकरम के अध्यक्षता ल जिला पंचायत सदस्य स्मिता हितेश चंद्राकर ह करीन। बिसेस अतिथि जनपद उपाध्यक्ष भेख लाल साहू, पूर्व मंडी अध्यक्ष तेजन चंद्राकर, शहर कांग्रेस कमेटी अध्यक्ष भूपेंद्र सिंह ठाकुर, सांसद प्रतिनिधि हितेश चंद्राकर ,नव पदस्थ जनपद सीईओ पीसी पटेल रिहीन ।
ए दउरान बातचीत म दिव्यांग मन ह बताइन कि दिव्यांग होय के सेती हमन ल आय -जाय बर दूसर म आश्रित रहे ल पड़त रिहीन, लेकिन ए बैटरी चलित ट्राई साइकिल मिले ले अब हमन ल घलो आय -जाय म आसानी होही । (Bagbahra ) संगेसंग हमन ल कोनो ऊपर आवागमन बर आश्रित नई रहना पड़ही । जेखर बर दिव्यांग मन ह संसदीय सचिव श्री यादव अउ राज्य के भूपेश बघेल के नेतृत्व वाली सरकार के प्रति आभार व्यक्त करीन ।
ए अवसर म प्रमुख रूप ले (Bagbahra ) विष्णु महानंद ,राजू चंद्राकर ,नवनीत सलूजा, सेतराम बघेल, अजय नंद, जनपद सदस्य इंदिरा बंजारे, मंगलू ठाकुर कमल नारायण साहू, एवन साहू, करतार नायक के संगेसंग जनपद पंचायत बागबाहरा के अधिकारी-कर्मचारी समेत ग्रामीण मन उपस्थित रिहीन ।
