mahasamund : संसदीय सचिव ह करीन इंडिया ओपन फीडे रेटिंग चेस टूर्नामेंट के सुभांरभ
जय जोहार । छत्तीसगढ़ सासन के (mahasamund) संसदीय सचिव अउ विधायक विनोद सेवनलाल चंद्राकर ह आज वन विद्यालय परिसर म ऑल इंडिया ओपन फीडे रेटिंग चेस टूर्नामेंट 2022 के सुभांरभ करीन । पांच दिन तक चलइया ए प्रतियोगिता म छत्तीसगढ़ के संग दूसरइया प्रदेस के करीब 250 खिलाड़ी मन ह पंजीयन कराइन है।
वन विद्यालय के सभागार आज ऑल इंडिया ओपन फीडे रेटिंग चेस टूर्नामेंट के सुभांरभ समारोह आयोजित रिहीन । (mahasamund) कारीकरम के मुख्य अतिथि संसदीय सचिव अउ विधायक विनोद सेवनलाल चंद्राकर रिहीन। अध्यक्षता ल जिला पंचायत उपाध्यक्ष लक्ष्मण पटेल ह करीन । बिसेस अतिथि कलेक्टर नीलेश क्षीरसागर, एसपी विवेक शुक्ला, डीएफओ पंकज राजपूत, जिला पंचायत के सीईओ एस आलोक रिहीन ।
ए अवसर म संसदीय सचिव अउ विधायक श्री चंद्राकर ह किहीन कि प्रदेस सरकार ह खेल के विकास अउ खिलाड़ी मन के भविष्य ल सुनिश्चित करे बर कई ठीन कदम उठावत हे । (mahasamund) छत्तीसगढ़ राज्य म उपलब्ध खेल अधोसंरचना के रख-रखाव अउ आवासीय खेल अकादमी के संचालन बर मुख्यमंत्री भूपेश बघेल ह छत्तीसगढ़ खेल विकास प्राधिकरण के गठन करे हे । प्राधिकरण के माध्यम ले राज्य भर म खेल के विकास करे जात हे । राज्य के खिलाड़ी मन ल बेहतर ले बेहतर सुविधा उपलब्ध कराय बर राज्य सरकार हरसंभव परयास करत हे ।
कारीकरम म प्रमुख रूप ले ट्राइबल विभाग के सहायक आयुक्त एलआर कुर्रे, जिला खेल अधिकारी मनोज धृतलहरे, एसडीओ यूआर बसंत, सहायक परियोजना अधिकारी रेखराज शर्मा, प्रदेश सचिव हेमंत खुंटे, चेस एसोसिएशन के अध्यक्ष डीएन साहू, एस नागेंद्र राव, संजय श्रीवास्तव मौजूद रिहीन ।
