दुर्ग। दुर्ग ले रायपुर आवत रिहिस यात्री बस ह दुर्घटना के शिकार हो गे। इस हादसा म 8 झन यात्री घायल हो गे, जेमा 3 के हालत ल गंभीर बतात हे।
घटना बीते रात के हरे। दुर्ग ले गरीब नवाज के बस ह यात्री मन ल लेके रायपुर आवत रिहिस। इही दउरान जब बस सुपेला के कोसनाला के पास पहुंचिस त आघू ले एक तेज रफ्तार कार आवत रिहिस। कार ले बचाए के चक्कर म बस ह अनियंत्रित होके डिवाइडर ले टकरा गे।
ये हादसा म आठ यात्री घायल हो गे, जेमा के तीन झन ल गंभीर चोट लगिस हे। घटना के सूचना के बाद पुलिस ह मौका म पहुंच के सबो घायल मन ल इलाज बर लाल बहादुर सरकारी अस्पताल सुपेला म भरती कराए गिन हे अउ गंभीर रूप ले घायल मन ल उहां ले दुर्ग बर रेफर करिस हे।
Other Articles
Next
October 18, 2019
इंजीनियरिंग के छात्र मन बर प्लेसमेंट कैम्प 21 अक्टूबर के
Previous
