ए साल घलो ऑनलाइन होही पीएटी के काउंसिलिंग ह

रायपुर। इंदिरा गांधी कृषि विश्वविद्यालय ले संचालित बीएससी पाठ्यक्रम म भरती ले के  प्रक्रिया ह जल्दी शुरू होवइया हे। ये साल घलोक ऑनलाइन काउंसिलिंग करे जाही, जेखर तियारी म अब विश्वविद्यालय ह जुट गे हे। विवि ले संबद्ध सरकारी अउ निजी कॉलेज म लगभग 2200 सीट हे। ये साल 54 हजार छात्र-छात्रा मन ह प्रवेश परीक्षा बर फार्म भरे रिहिस हे।

विवि के शैक्षणिक विभाग के अधिकारी के कहिना हे कि ये बार घलो ऑनलाइन काउंसिलिंग होही। अभ्यर्थी मन ल  एक-एक सीट बर संघर्ष करे ल परही। ये साल टॉप टेन म 147 ले लेके 138 अंक पवैया अभ्यर्थी शामिल हे। पाछू के साल के तुलना म रैंक बढ़े हे।