सरकारी काम म लपरवाही, एसडीएम ह करिन पटवारी ल निलंबित

रायगढ़। सरकारी काम म लपरवाही करईया छिछोरउमरिया के पटवारी ल एसडीएम ह निलंबित कर दिन हे। निलंबित पटवारी के नाम विनोद भोय हरे। निलंबन अवधि म पटवारी विनोद भोय मुख्यालय तहसील कार्यालय पुसौर निर्धारित करे गे हे। उंहे छिछोरउमरिया पटवारी के अतिरिक्त प्रभार राजीव चौहान ल सौंपे गे हे।

बतात हे कि छिछोरउमरिया गांव के पटवारी विनोद भोय ह विभागीय काम के समीक्षा बईठक म दू बार ले अनुपस्थित रहीस, अउ वो ह तहसीलदार पुसौर द्वारा जारी कारण बताओ नोटिस के संबंध म जवाब घलो नई दिस।

इही तरह ले प्रधानमंत्री किसान सम्मान योजना के तहत आवेदन पत्र ल ऑनलाइन भरे म घलो लपरवाही करिस, ये सबो शिकायत ल गम्भीरता से लेवत एसडीएम भागवत जायसवाल ह पटवारी भोय निलंबित करिस हे।