Voice talent hunt म छत्तीसगढ़ के पायल विशाल ह बनीस ग्रेंड फिनाले विनर, पढ़ो पूरा खबर

जय जोहार…. (Voice talent hunt) आवाज के दुकान के सबले बड़े मंच इंडिया वाइस फेस्ट के वाइस टेलेंट हंट म भारत भर के सैकड़ो लोगन मन के बीच फाइनल विजेता म पायल विशाल के नाम ल घोसित करे गे हे। जेमा चार विजेता ल चुने गे हे। एमा पायल घलो हे।

महासमुंद जिला के झलप-सांकरा के रहवइया पायल विशाल के रूचि ह हमेशा ले आवाज के दुनिया म रही। स्कूली जीवन म मंच संचालन, सांस्कृतिक कार्यक्रम म पहिले स्थान म रहवइया पायल कालेज के दौरान रायपुर म रेडियो एफएम, मंच संचालन अऊ स्क्रिप्ट राइटिंग के कार्य करत रिहिन। (Voice talent hunt) साल 2016 म छत्तीसगढ़ टैलेंट हंट म एंकर के रूप म ओखर चयन करे गिस, फेर 2017 म आकाशवाणी रायपुर के युववाणी कार्यक्रम म चयन होइस।

रायपुर शहर के चौक-चौराहा अऊ राजनांदगांव के बस स्टैंड म लगे स्पीकर म यातायात के नियम, जागरूकता संदेस ल आप मन ह सुन सकत हो। जेन सुरक्षित भव: फाउंडेशन अऊ नगर निगम के माध्यम ले संचालित होवत हे। (Voice talent hunt) एखर आलावा छत्तीसगढ़ के अलग-अलग विज्ञापन, डाक्यूमेंट्री विडियो म अफन आवाज देवइया पायल ल एक बड़े पहचान इंडिया वाइस टैलेंट हंट के मंच म मिले हे, जेन वाइस टैलेंट हंट म नेशनल लेवल म टॉप 4 म विजेता बने हे।