जय जोहार…. (Voice talent hunt) आवाज के दुनिया के सबले बड़का मंच इंडिया वाइस फेस्ट के वाइस टैलेंट हंट म छत्तीसगढ़ के पायल विशाल के चयन होय हे। पूरा भारत भर ले सैकड़ो लोगन मन के बीच पायल विशाल ह टॉप 26 म अपन जगह बनाए हे।
6 दिसंबर ले 12 दिसंबर तक चलइया ए वाइस फेस्ट के आयोजन ल इंडिया वाइस फेस्ट के फाउंडर दर्पण मेहता, Sugar mediaz, Sound & Vision India (मुंबई) के तरफ ले करे गे हे। छत्तीसगढ़ के रायपुर म रहवइया पायल ह आकाशवाणी रायपुर के युववाणी कार्यक्रम के कम्पीयर हे। राजनांदगांव बस परिसर म पायल के आवाज ह स्पीकर म चलत हे।
इडिया वाइस फेस्ट ह देश के एक अइसे मंच हे, (Voice talent hunt) जिहां टेलीविजन, फिलिम, रेडियो, कार्टूनिक वाइस एक्टर अऊ डबिंग के क्षेत्र म कम करइया लोगन मन ल सम्मानित करे जात हे अऊ मंच म अपन हुनर दिखाय के मऊका दे जात हे। पिछिले दू साल ले मुंबई म एखर आयोजन होत आवत हे, लेकिन कोरोना काल सती ए बार आनलाइन ए कार्यक्रम के आयोजन करे गे हे।
जेमा देश-विदेश के हजारो कलाकार ह जुड़ही। जेमा छत्तीसगढ़ राज्य ले पायल ह वाइस टैलेंट हंट म सलेक्ट होय हे। (Voice talent hunt) 7 दिसंबर के शाम 5 बजे आवाज के सितारा के बीच पायल के प्रस्तुति के आनंद आप मन ह इंडिया वाइस फेस्ट अऊ फेसबुक पेज पर लाइव देख के उत्साहवर्धन जरूर करे।
