जय जोहार…. (godhan nyay yojana) सीएम भूपेश बघेल ह आज अपन निवास कार्यालय म कार्यक्रम आयोजित करिन।
ए मउका में सीएम ह गोधन न्याय योजना (godhan nyay yojana) के तहत ग्रामीण अउ पशुपालक मन ले खरीदे गे गोबर के राशि के भुगतान के शुभारंभ करिन।
(godhan nyay yojana) सीएम बघेल ह ए योजना के तहत एक करोड़ 65 लाख के राशि 46964 ग्रामीण अउ किसान मन के बैंक खाता म अंतरित करे हे।
ए अवसर म सीएम बघेल ह शहीद महेंद्र कर्मा के जयंती म ओला श्रद्धांजलि अपित करिन अउ ओखर नाम म तेंदूपत्ता संग्राहक सामाजिक योजना ल शुभारंभ करिन। एखर माध्यम ले राज्य के 12.50 लाख संग्राहक परिवार मन ल लाभ मिलही।
ए अवसर म कृषि मंत्री रविन्द्र चौबे, वन मंत्री मोहम्मद अकबर, पंचायत अउ ग्रामीण विकास मंत्री टीएस सिंहदेव, गृहमंत्री ताम्रध्वज साहू, स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा, नगरीय प्रशासन मंत्री डॉ. शिवकुमार डहरिया, लोक स्वास्थ्य मंत्री गुरु रुद्रकुमार, खाद्य मंत्री अमरजीत भगत, महिला अउ बाल विकास मंत्री अनिला भेड़िया, संसदीय सचिव शिशुपाल सोरी, चंद्रदेव राय, मुख्यमंत्री के सलाहकार विनोद वर्मा, प्रदीप शर्मा, मुख्य सचिव आरपी मंडल उपस्थित रिहिस।
