कल दंतेवाड़ा म मां दंतेश्वरी के आराधना के संग होही विकास यात्रा के आगाज

पहिली चरण के शुरुआत 12 मई ले 11 जून तक….
रायपुर। भाजपा के प्रदेशव्यापी विकास यात्रा के आगाज काली दंतेवाड़ा म मां दंतेश्वरी के आराधना के संग होही। विकास यात्रा म केंद्रीय गृहमंत्री राजनाथ सिंह शिरकत करइया हे। संगे- संग विकास यात्रा के दउरान भाजपा शासित राज्यो मन के मुख्यमंत्री अउ केंद्रीय मंत्री व संगठन के राष्ट्रीय नेता घलो छत्तीसगढ़ आही। ये जानकारी देवत मुख्यमंत्री डॉ. रमन सिंह ह प्रेस कॉन्फ्रेंस म कहिन कि भाजपा के विकास यात्रा के पहिली चरण के शुरुआत 12 मई ले होही, जे 11 जून तक चलही। उमन कहिन कि ये बेर विकास यात्रा म केंद्रीय मंत्री नितिन गड़करी, धर्मेन्द्र प्रधान, थावरचंद गहलोत, जइसे कई झन केंद्रीय मंत्री अउ मध्यप्रदेश के मुख्यमंत्री शिवराज सिंह चौहान, उत्तरप्रदेश के मुख्यमंत्री योगी आदित्यनाथ ,झारखंड के मुख्यमंत्री रघुबर दास घलो शामिल होही।
राज्य के जनता ल ओखर हक़ दिलाए के यात्रा के नाम ही विकास यात्रा हे। शुक्रवार के ये बात मन ल मुख्यमंत्री डॉ. रमन सिंह ह छत्तीसगढ़ संवाद के नवा भवन म बने ऑडिटोरियम म होय पत्रकारवारता म कहीन। उमन आगू कहिन कि ये विकास यात्रा जनता के आशीर्वाद अउ प्रेम के प्रति आभार जताये के यात्रा हवय। ये एक अद्भुत संयोग हे कि राजनाथ 2003 तक हमार प्रभारी रहिन हे। अब 2018 के विकास यात्रा के आग़ाज करे बर उमनआवत हे। हमन जे कुशासन अउ प्रताड़ना 2003 म झेले रहेन। ओखर बाद हमन ल राज्य के जनता के आशीर्वाद मिलिस। । तभ ले हम विकास के राह म बढ़ेन, जे आज ले अनवरत जारी हे।
…..येखर सेती जनता ह कांग्रेस ल नकारिस
जॉ रमन ह कहिन कि मैं ह विकास यात्रा के जरिए ले जनता ल धन्यवाद देना चाहत हव अउ जनता के बीच म जाके उंखर आशीर्वाद लेना चाहत हव। मुख्यमंत्री ह कांग्रेस उपर जमकर निशाना साधिस। उमन कहिन कि कांग्रेस हमेशा विकास के विरोध करत हे, येखर सेतीजनता ह कांग्रेस ल नकारा दिस हे। विकास यात्रा ल लेके कांग्रेस सिरफ पत्रकारवारता लेके अउ सोशल मीडिया म भरम फैला सकत हे, लेकिन छत्तीसगढ़ के जनता ल मालूम हे कि राज्य म विकास होइस हे । उमन कहिन कि कांग्रेस डॉ.रमन सिंह के विरोध करय, प्रदेश के विकास के नइ। विकास के विरोध करे के मतलब हे प्रदेश के ढाई करोड़ जनता के विरोध करना हे।