जुन्ना मुख्यमंत्री ह नवा मुख्यमंत्री ऊपर अपराध ल बढ़ावा दे के लगाईस आरोप

राज्य म लगातार होवत अपराध जईसे मर्डर ,चोरी  बलात्कार ,अपहरण अऊ लूटपाट के घटना ऊपर जुन्ना मुख्यमंत्री रमन सिंह ह चिंता व्यक्त करिस अऊ किहिस कि नवा मुख्यमंत्री ह राज्य म अपराध रोके म असक्षम साबित होवत हे

डॉक्टर साहब ह ये आरोप प्रेस कांफ्रेंस म लगाइस  पिछले दिन राजधानी अऊ आसपास के इलाका म जेन घटना मन होय हे तेला ले के भाजपा ह सरकार ल घेरत नजर आवत हे

पूर्व मुख्यमंत्री ह किहिस कि राज्य म सरकार बने एक साल होय ल जात हे अऊ अभी तक कोई कार्ययोजना नई दिखत  हे , धान खरीदी के नाम म किसान मन संग छलावा होवत हे हम एखर बर आन्दोलन करबो.