प्रदेस कांग्रेस अध्यक्ष मरकाम ह 3 अगस्त ले एक सप्ताह तक कई जिला के करही दौरा

रायपुर। प्रदेस कांग्रेस अध्यक्ष मोहन मरकाम ह 3 अगस्त ले एक सप्ताह तक राज्य के कई ठन जिला के दौरा करही। इखर पहिली प्रदेस अध्यक्ष मरकाम ह बस्तर संभाग अउ दुर्ग संभाग म दौरा कर डरे हे। अब जिला बेमेतरा, बिलासपुर, जांजगीर-चांपा, रायगढ़, अंबिकापुर, महासमुंद, बलौदाबाजार-भाटापारा, बलरामपुर, सूरजपुर, कोरिया जिला म 9 अगस्त तक लगातार दौरा करही।

दौरा कार्यक्रम के जानकारी देवत प्रदेस कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी ह बताईन कि प्रदेश कार्यकारणी, जिला ब्लॉक कांग्रेस अध्यक्ष मन के नियुक्ति के पहिली प्रदेश कांग्रेस अध्यक्ष मरकाम ह सब्बो जिला के दौरा करत हे।

श्री मरकाम ह 3 अगस्त के बिहनिया 9 बजे रायपुर ले बिलासपुर जाही। बिलासपुर म 11 बजे जिला अउ शहर कांग्रेस कमेटी अउ मंझनिया 3 बजे जांजगीर म जिला कांग्रेस कमेटी के बईठक म संघरही। संझाकून 6 बजे जांजगीर ले रायगढ़ जाही अउ उंहे रात बिताही। 4 अगस्त के बिहनिया 11 बजे रायगढ़ म जिला अउ शहर कांग्रेस कमेटी के बईठक म शामिल होही। मंझनिया 2 बजे रायगढ़ ले बलौदाबाजार जाही। संझाकून 5 बजे बलौदाबाजार म कांग्रेसी मन ले मुलाकात कर चर्चा करही।

5 अगस्त के बिहनिया 11 बजे बलौदाबाजार म जिला कांग्रेस कमेटी के बईठक म भाग लिही, तेखर बाद वो ह जिला महासमुंद जाहि। उंहा ढाई बजे जिला अउ शहर कांग्रेस कमेटी के बईठक म संघरही। शाम 5 बजे महासमुंद ले बेमेतरा बर रवाना होही। 6 अगस्त के बिहनिया 11 बजे बेमेतरा म, मंझनिया 2 बजे कवर्धा म अउ संझा 5 बजे मुंगेली म जिला कांग्रेस कमेटी के  बईठक म शामिल होही। रात 7.30 बजे मुंगेली ले बिलासपुर बर रवाना होही अउ रात्रि 8.30 बजे बिलासपुर म कांग्रेसी मन ले मिल के चर्चा करही। रात 12.15 बजे दुर्ग अंबिकापुर एक्सप्रेस ट्रेन ले बिलासपुर ले अंबिकापुर जाही।

7 अगस्त के बिहनिया 10 बजे अंबिकापुर ले बलरामपुर बर रवाना होही। 12 बजे बलरामपुर म  अउ संझा 4 बजे अंबिकापुर म जिला कांग्रेस कमेटी के बईठक म संघरही। 8 अगस्त के बिहनिया 10 बजे अंबिकापुर ले सूरजपुर जाही। बिहनिया 11 बजे सूरजपुर म अउ मंझनिया 3 बजे बैकुंठपुर म जिला कांग्रेस कमेटी के बईठक म शामिल होही। रात  11 बजे दुर्ग अंबिकापुर एक्सप्रेस ट्रेन म अंबिकापुर ले रायपुर बर रवाना होही। 9 अगस्त के बिहनिया 8.05 बजे रायपुर ले कोण्डागांव बर रवाना होही। मंझनिया 12 बजे कोण्डागांव म विश्व आदिवासी दिवस के मौका म आयोजित कार्यक्रम म शामिल होही।