Chhattisgarh: पीसीसी अध्यक्ष मोहन मरकाम ह काली ले गरियाबंद जिला के दौरा म, पढ़व

जय जोहार…. (Chhattisgarh) प्रदेश कांग्रेस अध्यक्ष मोहन मरकाम ह काली ले दू दिन के गरियाबंद जिला के दौरा म रही। ए दौरान पीसीसी अध्यक्ष श्री मरकाम म अलग-अलग कार्यक्रम म सामिल होही।

प्रदेश (Chhattisgarh) कांग्रेस अध्यक्ष श्री मरकाम ह शुक्रवार के बिहनिया 7 बजे कोंडागांव ले ग्राम बरही देवभोग, जिला गरियाबंद बर रवाना होही। बिहनिया 10 बजे ग्राम बरही म माता लंकेश्वरी के दर्शन करही। एखर बाद बिहनिया 10.30 बजे कोडोबेड़ा बर रवाना होही। इहां जिला कांग्रेस कमेटी के तरफ ले आयोजित पदयात्रा कार्यक्रम म हिस्सा लेही। दोपहर एक बजे देवभोग पहुंच के सम्मेलन म हिस्सा लेही।

प्रदेश (Chhattisgarh) कांग्रेस अध्यक्ष मोहन मरकाम ह सनिच्चर के देवभोग ले कदलीमुड़ा बर रवाना होही। इहां बिहनिया 7.15 बजे कदलीमुड़ा पुहंच के गौठान निरीक्षण अऊ श्रमदान कार्यक्रम म हिस्सा लेही। एखर बाद बिहनिया 9.15 बजे देवभोग ले मैनपुर बर रवाना होही। इहां सर्किट हाउस में बिहनिया 10 बजे पत्रकार वार्ता ल संबोधित करही।