मुख्यमंत्री बघेल सबो 90 विधानसभा म धुआंधार प्रचार करही

“बदला हे अपन प्रदेस, बदल बो अब पूरा देश” के नारा के संग चुनावी मइदान म उतरही कांग्रेस ह
रायपुर. प्रदेश म लोकसभा के सबो 11 के 11 सीट मन ल जीते बर कांग्रेस ह अपन रननीति बना ले हे. रननीति म मुख्यमंत्री भूपेश बघेल प्रदेस के सबो 90 विधानसभा म धुआंधार प्रचार करही. सोमवार के पीसीसी के लोकसभा चुनाव प्रचार-प्रसार समिति के बइठक होइस. बइठक म निरनय लेय गे हे के कांग्रेस “बदला हे अपन प्रदेस, बदल बो अब पूरा देश” के नारा के संग चुनावी मइदान म उतरही.

बइठक म सबो 11 लोकसभा सीट मन म प्रभारी अउ समन्वयक के नियुक्ति कर दे गे हे. हर विधानसभा म एक-एक सदस्य बना के कमेटी बनाए जाही. अउ कमेटी ही लोकसभा म प्रचार के कार्यक्रम तय करही.

कांग्रेस के रननीति के मुताबिक हर विधानसभा ल कवर करे के लक्ष्य रखे गेहे. मुख्यमंत्री अउ पीसीसी चीफ भूपेश बघेल के लोकप्रियता ल देखत हुए पीसीसी ह हर विधानसभा म उंखर प्रचार के कार्यक्रम तय करे हे. ए चुनाव म सीएम भूपेश स्टार प्रचारक हो ही.

अभियान समिति के सदस्य
चुनाव अभियान समिति म पीसीसी कोषाध्यक्ष रामगोपाल अग्रवाल, वरिष्ठ विधायक सत्यनारायण शर्मा, अरुण भद्रा अउ इदरीश गांधी को सदस्य बनाय गे हे.

इमन ल मिलिस जुम्मेदारी
लोकसभा के सबो 11 सीट मन म प्रभारी सदस्य मन के नियुक्ति करे गे हे. जेमा मंत्री जयसिंह अग्रवाल ल कोरबा अउ बिलासपुर, उहें पहिली बेर विधायक चुनेगे देवेन्द्र यादव ल दुर्ग के जुम्मेदारी सउपे गिस. दुर्ग मुख्यमंत्री भूपेश बघेल के संग ही कांग्रेस के राष्ट्रीय महासचिव अउ पूर्व राष्ट्रीय कोषाध्यक्ष रहे मोतीलाल वोरा के घ लो गृह क्षेत्र रहिस हे. इहां ले मोतीलाल वोरा के पुत्र अरुण वोरा 2 बार विधायक रह चुके हे उहें गृहमंत्री ताम्रध्वज साहू अउ मंत्री रुद्र गुरु घलो जिला ले विधायक हे. देवेन्द्र यादव ल नियुक्त कर कांग्रेस सोझे युवा वर्ग उपर निशाना साधे के कवायद करत हवय. देवेन्द्र सीएम भूपेश के विश्वस्त लोगन म एक हे.

लोकसभा प्रभारी सदस्य
सरगुजा- डॉ अजय तिर्की, रायगढ़- शंकर अग्रवाल, जांजगीर-चांपा- जयसिंह अग्रवाल, कोरबा- जयसिंह अग्रवाल, बिलासपुर- अरुण सिंघानिया, राजनांदगांव- मोहम्मद अकबर, दुर्ग- देवेन्द्र यादव, रायपुर- प्रमोद दुबे, महासमुंद- पारस चोपड़ा, बस्तर- जतीन जायसवाल, कांकेर- सलाम रिजवी,

इमन ल बनाइस समन्वयक
सरगुजा- सफी अहमद, रायगढ़- शेखर त्रिपाठी, जांजगीर-चांपा- मोतीलाल देवांगन, कोरबा- डमरू रेड्डी, बिलासपुर- बैजनाथ
चंद्राकर, राजनांदगांव- जितेन्द्र मुदलियार, दुर्ग- भंवरलाल जैन, रायपुर- प्रमोद चौबे, महासमुंद- अमरजीत चावला, बस्तर- मनोहर लुनिया, कांकेर- नरेश ठाकुर