जय जोहार । छत्तीसगढ़ म आम नागरिक ल सस्ता जेनेरिक दवा आसानी ले उपलब्ध होवत हे । राज्य सासन के श्री धनवंतरी जेनेरिक मेडिकल स्टोर्स के जरिये 53 लाख ले जादा नागरिक ल सस्ता दवा ले मनखे मन ल काफी राहत मिले हे ।
राज्य के सबो नगरीय निकाय म श्री धनवंतरी जेनेरिक मेडिकल स्टोर योजना के तहत जेनेरिक दवा के दुकानों के संचालन ल करे जावत हे । ए दुकान म देस के ख्याति प्राप्त कंपनी के जेनेरिक दवाई म 50 ले 70 प्रतिशत तक के छूट दे जावत हे । योजना ले अब तक 155.54 करोड़ रुपिया एम.आर.पी. के दवाई के विक्रय म 96 करोड़ 20 लाख रुपिया के छूट जरूरतमंद मनखे मन ल दे गेहे।
मुख्यमंत्री भूपेश बघेल के पहल म नगरीय प्रसासन अउ विकास विभाग डहार ले श्री धनवंतरी जेनेरिक मेडिकल स्टोर योजना 20 अक्टूबर 2021 ले सुरू करे गेहे। ए योजना के तहत राज्य के सबो 169 नगरीय निकाय म 195 श्री धनवंतरी मेडिकल स्टोर खोले गेहे । सासकीय चिकित्सक ल अस्पताल म इलाज बर अवइया मरीज ल जेनेरिक दवा लिखना अनिवार्य करे गेहे । धनवंतरी दवा दुकान म सर्दी, खांसी, बुखार, ब्लड प्रेशर, इन्सुलिन के संग गंभीर बीमारी के दवा, एंटीबायोटिक, सर्जिकल आईटम घलो रियायती मूल्य म जरूरतमंद ल उपलब्ध कराए जावत हे ।
श्री धनवंतरी जेनेरिक मेडिकल स्टोर योजना के अंतर्गत संचालित दुकान म रायपुर जिला म 20, दुर्ग जिला म 19, बिलासपुर जिला म 10, जांजगीर-चांपा जिला म 9, रायगढ़ अउ बेमेतरा जिला म 8-8, बलौदाबाजार-भाटापारा अउ धमतरी म 7-7, बालोद, कोरबा, कांकेर, सक्ती, सूरजपुर, महासमुंद अउ कबीरधाम म 6-6, राजनांदगांव, सारंगढ़-बिलाईगढ़, मनेन्द्रगढ़-चिरमिरी-भरतपुर, दंतेवाड़ा, जशपुर अउ बलरामपुर म 5-5, मुंगेली, गरियाबंद अउ सरगुजा म 4-4, कोण्डागांव, सुकमा, खैरागढ़-छुईखदान-गंडई, बस्तर अउ बीजापुर म 3-3, कोरिया अउ गौरेला-पेण्ड्रा-मरवाही म 2-2, मोहला-मानपुर-अम्बागढ़ अउ नारायणपुर म 1-1 श्री धनवंतरी जेनेरिक मेडिकल स्टोर संचालित करे जावत हे ।
No Comment! Be the first one.