Raipur : मुख्यमंत्री मितान योजना ले मनखे मन ल मिलत हे बड़का राहत

जय जोहार। (Raipur ) सहर के दौड़-भाग भरे जिनगी म मनखे मन ल मुख्यमंत्री मितान योजना ले बड़का राहत मिलत हे । सासकीय काम-काज बर जरूरी दस्तावेज जइसे जन्म, मृत्यु, मूल निवासी, विवाह आदि प्रमाण पत्र अब मनखे मन ल इस योजना ले आसानी अउ घर बइठे ही मिलत हे

। मितान ह 51 हजार ले जादा मनखे मन के घर दस्तावेज लेके पहुंचा चुके हे। ए प्रमाणपत्र बर मनखे मन ल केवल टोल फ्री नम्बर 14545 अप्वाइंटमेंट बुक कराना होत हे । एखर बाद मितान घर आके प्रमाण पत्र बर जरूरी कागजात लेके जात हे अउ प्रमाण पत्र तईयार होय के बाद घर पहुंचा देत हे ।

मुख्यमंत्री भूपेश बघेल के पहल म नगरीय प्रसासन विकास विभाग डहार ले 1 मई 2022 ले प्रदेस के सबो 14 नगर निगम म सुरू करे गे मुख्यमंत्री मितान योजना म अब तक लगभग 62 हजार मनखे मन ह सासकीय दस्तावेज घर म प्राप्त करे बर अप्वाइंटमेंट बुक कराए हे , उंहे दुसरइया डहार 51 हजार ले जादा नागरिक ह घर बइठे ही अपन जरूरी सासकीय दस्तावेज ल प्राप्त करे हे । ए योजना म लगभग 01 लाख 25 हजार ले जादा नागरिक ह मितान योजना के टोल फ्री नम्बर 14545 म सम्पर्क कर सासकीय दस्तावेज ल प्राप्त करे के संबंध म जानकारी हासिल करे हे।

मितान योजना म 13 प्रकार के सेवा दे जावत हे । भविष्य म ए सेवा ल अउ बढ़ाय के योजना हे । वर्तमान म जन्म प्रमाण पत्र, जन्म प्रमाण पत्र म सुधार, मृत्यु प्रमाण पत्र, मृत्यु प्रमाण पत्र म सुधार, मूल निवासी प्रमाण पत्र, विवाह पंजीकरण अउ प्रमाण पत्र, आय प्रमाण पत्र, अन्य पिछड़ा वर्ग प्रमाण पत्र, अनुसूचित जाति, अनुसूचित जनजाति प्रमाण पत्र, दुकान अउ स्थापना पंजीकरण संबंधी दस्तावेज, भूमि के रिकार्ड के नकल, भूमि सूचना (भूमि उपयोग), आधार कार्ड पंजीकरण, (5 बछर तक के लईका के ) आधार कार्ड म पता अउ मोबाइल नंबर म सुधार, पैन नम्बर प्राप्त करे बर आवेदन पत्र, पैन अपडेट अउ डुप्लीकेट सेवा दे जावत हे ।