पहाड़ी कोरवा बुद्धु राम के जीवन यापन होहि आसान, पीएम जनमन योजना ले बनत हे पक्का मकान

कोरबा : वृद्ध बुद्धुराम पहाड़ी कोरवा के जिंदगी वइसन त परिवार समेत पहाड़ मन के बीच जंगल म टूटे- फूटे झोपड़ी म ही कटत रहिन। उखर कच्चा मकान कभु पक्का हो जाहि, ए ओमन कभु सोचे भी नई रहिन। घर के आर्थिक स्थिति घलो अतना मजबूत नई रहिन कि वो पक्का मकान बनाए बर सोच सकय, काबर कि वो जंगल म बकरी चराके अउ वनोपज के संग्रहण करके कुछु पइसा जोड़ पात रिहीन। ए तरह ले वो अपन परिवार चलात रहिन। अब जबकि प्रधानमंत्री नरेन्द्र मोदी ह जंगल मन म निवास करइया विशेष पिछड़ी जनजाति परिवार मन के सुध लिन अउ पीएम जनमन योजना ले अइसे गरीब परिवार मन बर पक्का मकान बनाए के निर्णय लिस त जंगल म रहइया पहाड़ी कोरवा मन के घलो भाग्य खुल गे। दशकों तक कच्चा मकान म निवास करके समस्या ले रूबरू होवत आए पहाड़ी कोरवा मन के घर के सामने ही पीएम जनमन योजना ले पक्का मकान बनत हे। अपन ही बसाहट अउ कच्चा मकान के तीर पक्का मकान बनत देखत पहाड़ी कोरवा बुद्धुराम के खुशी घलो दुगनी हो गे हे। उखर कहना हे कि अवइया पीढ़ी हमर तरह समस्या ले नई जूझहि। 

     पोड़ी उपरोड़ा ब्लॉक के अंतर्गत ग्राम ठिर्री आमा म रहइया अनेक पहाड़ी कोरवा मन के पीएम जनमन योजना ले पक्का मकान बनाए जात हे। इही बसाहट म रहइया बुद्धुराम के तीर घलो पक्का मकान नई रहिन। वो अपन पत्नी बुधनी बाई अउ लइका के संग कच्चा मकान म रहत हे। बुद्धुराम ह बतायिन कि लंबा समय ले कच्चा मकान म रहे के वजह ले वे समस्या के सहत आत हे। पहाड़ी इलाका होए के वजह ले अक्सर ओमन ल झोपड़ी म डर लगथे। तेज बारिश अउ तूफान के समय घर के दीवार उखड़त रहिथे, एखर संग खपरा ले घलो पानी टपकथे। ओ जम्मों मजबूरी म रहत हे। ओमन ह बतायिन कि जंगल म पेट भरे के इंतजाम हो जाए, उही हमर बर महत्वपूर्ण होथे। बुद्धूराम के कहिना हे कि हमन कभु पक्का मकान बनाए के नइ सोचेन, काबर कि हमर कोई आमदनी ही नई हे कि हमन अइसे सोच पावन। गाँव म जब अधिकारी मन ह आके बतायिन कि आप जम्मों झन के पक्का मकान बनहि तब मालूम होइस। बुद्धुराम के कहिना हे कि प्रधानमंत्री नरेन्द्र मोदी ह हमर जइसन गरीब मन बर सोचे हे, ए बहुत बड़े बात हे। अब हमर पक्का मकान बनत हे। घर के सामने हम एला बनत देखत हन। अवइया दिन म जब मकान पूरा तरह बनके तैयार हो जाहि त हमर परिवार एमा रहे बर लगिस अउ हमन जम्मों झन ल बारिश अउ तूफान ले घलो डर नई लगहि। बता दन कि पीएम जनमन योजना ले विशेष पिछड़ी जनजाति परिवार मन ल शासन के योजना ले लाभान्वित करे जात हे। इही तरह प्रदेश म मुख्यमंत्री विष्णुदेव साय ह प्रधानमंत्री आवास योजना ले हितग्राही मन ल लाभान्वित करे जात हे।