ठेला अऊ गुमटी संचालक मन ल सशर्त खोले के मिलिस अनुमति

जय जोहार रायपुर…. जिला प्रशासन ह ठेला अऊ गुमटी ल घलो खोले के आदेश ल जारी कर दे हे। खोले के अनुमति ल सशर्त दे गे हे। आदेश के अनुसार ठेला अऊ गुमटी ल खोले बर बेरा तय करे गे हे।

बिहनिया सात बजे ले शाम छह बजे तक के बेरा निश्चित करे गे हे। अब सोमवार ले सनिच्चर तक ठेला अऊ गुमटी घलो खोले जा सकही। एखर ले ठेला अऊ गुमटी ले अपन रोजी रोटी चलइया ल बड़का राहत मिलही। जेन शर्त तय करे गे हे, ओखर पालन के जिम्मा जोन कमिश्नर अऊ संबंधित थाना प्रभारी ल दे गे हे।