Raipur: पीईटी अउ पीपीएचटी के प्रवेश परीक्षा होही 8 सितंबर के, 2 पाली म होही आयोजन

जय जोहार…. (Raipur) छत्तीसगढ़ व्यवसायिक परीक्षा मंडल रायपुर डहार ले पीईटी अउ पीपीएचटी के प्रवेश परीक्षा 8 सितंबर के आयोजित करे जाहि। ए परीक्षा ह दू पाली म होही। पहला पाली म पीईटी प्रवेश परीक्षा बिहनिया 9 बजे से 12:15 बजे तक होही। उहें दुसरइया पाली म पीपीएचटी के परीक्षा मंझनिया 2 बजे ले संझा 5ः15 बजे तक संचालित करे जाहि।

पीईटी के परीक्षा ल (Raipur) रईपुर सहर के 11 परीक्षा केंद्र अउ पीपीएचटी के प्रवेश परीक्षा 14 परीक्षा केंद्र म आयोजित करे जाही। कलेक्टर ह परीक्षा के सुचारू संचालन बर पूनम शर्मा डिप्टी कलेक्टर ल नोडल अधिकारी नियुक्त करे हे।