जय जोहार…. पेट्रोल अऊ डीजल के दाम (petrol-diesel price) म सरलघा बढ़ोतरी होवत जावत हे। दिल्ली म पेट्रोल ह 80 रूपिया प्रति लीटर ले जियादा हो गे हे। राष्ट्रीय राजधानी म 20 महीना बाद पेट्रोल ह 80 रूपिया (petrol-diesel price) ले महंगा बिकत हे।
देश के सबले बड़का तेल विपणन कंपनी इण्डियन ऑयल कार्पोरेशन के मुताबिक दिल्ली म शुक्रवार के पेट्रोल के दाम ह 21 पैसा बाढ़ के 80.13 रूपिया प्रति लीटर म पहुंच गे हे, जेन 27 अक्टूबर 2018 के बाद के उच्चतम स्तर हे। डीजल के दाम घलो 17 पैसा बाढ़ के 80.19 रूपिया प्रति लीटर पहुंच गिस।
जानकारी के अनुसार ए महीना के 7 तारीख ले तेल विपणन कंपनी ह दुनो ईंधन के दाम ल बढ़ाय के क्रम ल सुरू करे हे। ए दौरान दिल्ली म पेट्रोल 8.87 रूपिया महंगा हो गे हे।
सरलघा 20 दिन म डीजल के दाम ह 10.80 रूपिया बाढ़ गे हे। ऊहचे कोलकाता अऊ मुम्बई म घलो पेट्रोल के कीमत ह 21-21 पैसा बाढ़ के क्रमश: 81.82 रूपिया अऊ 86.91 रूपिया प्रति लीटर हे।
कोलकाता म डीजल के दाम ह 16 पैसा महंगा हो के 75.34 रूपिया अऊ मुम्बई म 17 पैसा महंगा हो के 78.51 रूपिया पहुंच गे हे। चेन्नई म 19 पैसा बाढ़ के पेट्रोल ह 83.37 रूपिया (petrol-diesel price) प्रति लीटर हे। 15 पैसा तेजी के संग डीजल ह 77.44 रूपिया प्रति लीटर बिके हे।
Other Articles
No Comment! Be the first one.