जय जोहार…. पेट्रोल के दाम ह राष्ट्रीय राजधानी दिल्ली म सोमवार के सरलघा सोलहवां दिन बाढ़ के करीब 20 महीना के उच्चतम स्तर म पहुंच गे हे। जबकि डीजल के दाम ह नवा रिकॉर्ड स्तर म पहुंचिस।
देश के सबले बड़का विपणन कम्पनी इन्डियन ऑयल कॉर्पोरेशन के मुताबिक दिल्ली म पेट्रोल के कीमत ह आज 33 पैसा बाढ़ के 79.56 रूपिया प्रति लीटर हो गे हे।
जेन 29 अक्टूबर 2018 के बाद उच्चतम स्तर हे। डीजल के मूल्य म 58 पैसा के वृद्धि के संग ये 78.85 रूपिया प्रति लीटर बिके हे। दुनो के मूल्य के अन्तर ह घट के सिरिफ 71 पैसा रह गे हे।
बता देन कि देश म पेट्रोल अऊ डीजल के दाम ह सात जून ले सरलघा बाढ़त हे। ए 16 दिन म दिल्ली म पेट्रोल ह 8.30 रूपिया अऊ डीजल 9.46 रूपिया महंगा हो गे हे।
पेट्रोल के कीमत ह कोलकाता म 32 पैसा बाढ़ के 81.27 रूपिया प्रति लीटर अऊ मुम्बई म 32 पैसा बाढ़ के 86.36 रूपिया प्रति लीटर हो गे हे।
