mahasamund के पीजी कॉलेज म जल्दीच होही इंग्लिश मीडियम म पढ़ाई
जय जोहार । महासमुंद के पीजी कॉलेज म स्वामी आत्मानंद इंग्लिश मीडियम आदर्श महाविद्यालय प्रारंभ होही । जिला मुख्यालय म इंग्लिश मीडियम कॉलेज के सौगात मिले म संसदीय सचिव अउ विधायक विनोद सेवनलाल चंद्राकर के अभिनंदन करे गीन।
शासकीय महाप्रभु वल्लभाचार्य स्नातकोत्तर महाविद्यालय म आज आयोजित प्रवेशोत्सव कार्यक्रम म मुख्य अतिथि संसदीय सचिव अउ जनभागीदारी समिति के अध्यक्ष विनोद सेवनलाल चंद्राकर ह विद्यार्थी मन ल लक्ष्य तय कर के ईमानदारीपूर्वक मेहनत करे के आह्वान करीन । वो हा किहीन कि पीजी कॉलेज म स्वामी आत्मानंद इंग्लिश मीडियम आदर्श महाविद्यालय प्रारंभ होही । एखर बर प्रक्रिया घलो प्रारंभ हो गेहे ।
कार्यक्रम के दउरान महाविद्यालय परिवार डहार ले इंग्लिश मीडियम कॉलेज के सौगात मिले म संसदीय सचिव श्री चंद्राकर के अभिनंदन करे गीन । ए अवसर म जिला कांग्रेस कमेटी की अध्यक्ष डॉ रश्मि चंद्राकर, दाउलाल चंद्राकर, संजय शर्मा, हरिकृष्ण भार्गव, सन्नी लुनिया, योगेश गंडेचा, रमाकांत गायकवाड़, अमन चंद्राकर, गौरव चंद्राकर, ममता चंद्राकर, कॉलेज के प्रभारी प्राचार्य डॉ. अनुसूईया अग्रवाल, जनभागीदारी समिति प्रभारी डॉ. दुर्गावती भारती, प्रो श्रीमती करूणा दुबे, डा रीता पांडे मौजूद रिहीन।
