chhattisgarh म मनरेगा ले बदलीन हे अब फूलमती के जिनगी, पढ़व
जय जोहार…. (chhattisgarh) मनरेगा (महात्मा गांधी राष्ट्रीय ग्रामीण रोजगार गारंटी अधिनियम) ह कई ठीन मायने म मनखे मन के जिनगी ल बदलत हे। बीजापुर के 24 बछर के युवती फूलमती के घलो जीवन ल मनरेगा ह कई ठीन अर्थ म बदल देहे। कोडोली पंचायत के ए युवती के हाथ म गांव म मनरेगा काम म श्रमिक मन के कार्य आबंटन अउ ओखर ले काम कराय के महती जिम्मेदारी हे।
फूलमती ह बछर 2019 ले ग्राम रोजगार सहायक कमलदई नाग के मार्गदर्सन म मेट के काम सीखे ल सुरु करीन। अपन लगन ले थोड़कीन दिनों म ही ओहा मेट के काम म दक्ष हो गे रिहीन। (chhattisgarh) भैरमगढ़ जनपद पंचायत म मेट बर आयोजित बिसेस प्रसिक्षण म फूलमति ह दो सप्ताह के प्रसिक्षण घलो हासिल करीन। एखर बाद अब ओहा कामस्थल म श्रमिक मन के बेहतर तरीका ले प्रबंधन कर पात हे।
(chhattisgarh) कोडोली म ग्राम रोजगार सहायक अउ मेट दुनो के महिला होय के फायदा गांव के महिला मन ल मिलत हे। एखर मिलनसार व्यवहार के सेती पिछले तीन बछर ले मनरेगा काम म महिला मन के भागीदारी 50 प्रतिसत ले जादा रिहीन।
