कांग्रेस ले फूलोदेवी अऊ तुलसी ह राज्यसभा बर दाखिल करिस नामांकन, भाजपा ले कोनो नई, निर्विरोध चुने जाही
जय जोहार रायपुर…. छत्तीसगढ़ ले कांग्रेस प्रत्याशी फूलोदेवी नेताम अऊ केटीएस तुलसी ह राज्यसभा बर आज नामांकन दाखिल करिस। विधानसभा सचिवालय म नामांकन दाखिल करे के दौरान प्रदेश कांग्रेस प्रभारी पीएल पुनिया, मुख्यमंत्री भूपेश बघेल समेत मंत्रिमंडल के सदस्य मौजूद रहिस।
वहीं विधानसभा म कांग्रेस विधायक मन के संख्या ह अधिक होए के चलत बीजेपी ह चुनावी मैदान ले पहिली ही बाहर होगे रहिस। लिहाजा बीजेपी ह अपन उम्मीदवार नई उतारिस। ए तरह ले नेताम अऊ तुलसी दुनो राज्यसभा बर निर्विरोध चुन ले जाही।
