Raipur: सात दिन के चेतावनी के संग डीएड-बीएड अभ्यर्थी मन के धरना हो गे स्थगित, पढो पूरा खबर

जय जोहार…. (Raipur) शिक्षक भर्ती के मांग म अड़े डीएड-बीएड शिक्षक अभ्यर्थी मन के तेवर ह थोड़कीन नरम दिखत हे। अभ्यर्थी मन ह सात दिन के चेतावनी के संग अपन प्रदर्शन ल स्थगित कर दे हे।

(Raipur) अभ्यर्थी मन ह चेतावनी दे हे कि अगर दे गे मियाद के भीतर भर्ती प्रक्रिया सुरू नई होइस, त सोमवार ले जादा तेवर अवइया दिन म राजधानी के सड़क म दिखही।

बता दन कि राजधानी (Raipur) के सड़क म सोमवार के डीएड-बीएड अभ्यर्थी मन के उग्र प्रदर्शन के बाद सरकार ह देर शाम भर्ती के जल्द निर्देश जारी कर दे रहिस। संगेसंग सीएम भूपेश बघेल ह सात दिन के भीतर शिक्षा विभाग के भर्ती ले संबंधित रिपोर्ट ल तलब करे रहिस। अब उहीं सात दिन ल आधार बना के अभ्यर्थी मन ह अपन आंदोलन ल स्थगित कर दे हे।